میں وزیر برائے محکمہ توانائی وبرقیات کی توجہ ایک اہم مسئلے کی طرف مبذول کراناچاہتاہوں وہ یہ کہ پچھلے اسمبلی میں توجہ دلاونوٹس نمبر 1292پيش ہواتھا جو کہ گورکین مٹلتان پاور پراجیکٹ کے حوالے سے تھا۔ کہ حکومت پراجیکٹ میں عارضی اور مستقل ملازمتوں میں مقامی لوگوں کو ترجیح دےگی۔ اس کے علاوہ حکومت زمین کی قیمت مارکیٹ ریٹ پر ادا کرے گی مزید یہ کہ مقامی سطح پر روزگار کے مواقع پیدا کرنےکیلئے ٹرانسپورٹ وغیرہ کے چھوٹے ٹھیکے بھی مقامی لوگوں کو دی جائیں گے لیکن افسوس کے ساتھ کہنا پڑ تاہے کہ حکومت اپنے وعدوں کی پاسداری نہیں کرتی جس کی وجہ سے پراجیکٹ کا دورانیہ آئے روز مقامی مسائل کی وجہ سے بڑھ رہا ہے لٰہذا میری حکومت سے گزارش ہے کہ مقامی لوگوں کے مسائل کو ترجیحی بنیادوں پر حل کرے اور اپنےوعدوں کو عملی جامہ پہنائیں۔