میں وزیر برائےمحکمہ سیاحت کی توجہ ایک اہم مسئلے کی طرف مبذول کرانا چاہتاہوں وہ یہ کہ حکومت نے کمراٹ ڈویلپمنٹ  اٹھارٹی کے نام سے دیر اپر میں اتھارٹی  بنائی ہے جس کے مطابق اس حلقہ کے موجودہ  ایم پی اے اس کا ممبر ہوتاہے۔ جسکی منظوری اس معزز ایوان نے دی ہے جب اتھارٹی  قائم کی گئی تو ایک میٹنگ کے بعد اس سے ایم پی اے کانام نکال کر ایم این اے کا نام ڈالا گیا جوکہ اس حلقہ کے ساتھ سراسر ناانصافی  ہے جوکہ ناقابل قبول ہے ۔ کمراٹ کے متعلق ایم پی اے کی غیر موجودگی میں جو بھی  فیصلے کئے گئےوہاں کے عوام اس کو کسی بھی صورت ماننے کے لئے تیار نہیں ہونگے حکومت وقت کو مذکورہ فیصلہ  پر نظرثانی کرے اور جو بل وغیرہ  حکومت نے خود اس اسمبلی سے منظور کرایا ہے اس پر مکمل عمل درآمد کیا جائے۔