میں وزیر برائے محکمہ اوقاف،حج  کی توجہ ایک اہم  مسئلے کی طرف مبذول کرانا چاہتی ہوں وہ یہ کہ مسجد اللہ کا گھر اور قومی مذہبی اثاثہ تصور کیا جاتاہےاور جب اسے تاریخی مرتبہ ومقام بھی حاصل ہوتو اس سے لگاؤ اور بھی بڑھ جاتاہے ۔ مسجد مہابت خان جسکی تاریخ سنہری حروف سے لکھی گئی ہے جہاں جاکرنہ صرف  فرض نمازوں  کی ادائیگی کی جاتی ہے بلکہ آزادی کے متوالوں کی قربانیوں کی تاریخ کی یاد بھی تازہ ہوتی ہے مگر حالیہ واقعہ جب اس تاریخی ورثے کو محفوظ بنانے کا فیصلہ کیا گیا  اور اسکی اطراف میں کھدائی اور تعمیرات پر پابندی لگا کر دکانیں خالی کرائیں گئی تو اگلے ہی روز یہ فیصلہ سیاسی دباؤ کی نظر ہوگیا اور آج پھر اس مسجد کی بنیادوں کو کھوکھلا کرنے کی اجازت مل گئی ہے۔ لہذا میری گزارش ہے کہ اسے فوری طورپر روکا جائے اور اس تاریخی مذہبی عبادت گاہ کو محفوظ بنایا جائے۔