میں وزیر برائے محکمہ ابتدائی وثانوی تعلیم کی توجہ ایک اہم مسئلے کی طرف مبذول کرانا چاہتی ہوں وہ یہ کہ مورخہ 13مارچ 2019ء کو میں نے ڈائریکٹرایجوکیشن کو نیو کریم پورہ مڈل سکول کے بارے میں ایک خط لکھا تھا۔ جس کی ضروری تعمیرو مرمت نہ ہونےکی وجہ سے مذکورہ سکول کے بچوں کو بہلول دانہ پرائمری سکول شفٹ کیا گیا تھا جسکی وجہ سے بہلول دانہ پرائمری سکول میں بچوں کی تعداد بہت ذیادہ ہوگئی تھی اور اساتذہ اتنے ذیادہ بچوں کی پڑھائی احسن طریقے سے نہ کرسکے جسکےباعث دونوں سکولوں کے بچوں کے نتائج امتحان میں انتہائی خراب آئے۔ لہذا حکومت مذکورہ مسئلے کی وضاحت کرے اور سکول ہذاکی تعمیر ومرمت کے لیے کئے گئے اقدامات اور موجودہ صورتحال واضح کریں۔