میں اس معزز ایوان کی توجہ ایک اہم مسئلہ کی طرف مبذول کرانا چاہتا ہو ں وہ یہ کہ موجودہ حکومت نے گزشتہ ماہ (ستمبر2014) کو محکمہ ایلمنٹری اینڈ سیکنڈری ایجوکیشن میں Rationalization کے نام سے نئی پالیسی متعارف کرائی ہے جس کی رو سے ہر 60 طلباء کے لئے ایک ٹیچر رکھا گیا ہے حالانکہ یہ تناسب پہلے 40 طلباء کے لئے ایک ٹیچر تھا۔ مذکورہ حکومت کے اقدامات سے معیار تعلیم کو شدید نقصان کا یقینی اندیشہ ہے۔ لہٰذا اس پالیسی پر فوری طور پر نظر ثانی کی جائے۔