میں وزیر برائے محکمہ داخلہ کی توجہ ایک اہم مسلے کی  طرف مبذول کرانا چاہتاہوں وہ یہ کہ  میرے حلقہ نیابت پی کے 53 مردان یونین کونسل خزانہ ڈھیری کے گاؤں جانباز  نری سے 11 اگست 2019 کو شام 6 بجے کے قریب ایک معصوم بچی  اقراء بنت رحمت اللہ غائب ہوگئی پولیس اسٹیشن صدر مردان  میں بچی کی گمشدگی کی رپورٹ درج کرائی گئی  ۔ پولیس نے بچی کی بازیابی کےلئے مکمل تعاون کیااور 15 اگست 2019 کی شام بچی کی نعش بہت ہی خراب حالت میں مکان کے قریب  کھیتوں سے برآمد ہوئی  پوسٹ مارٹم کے بعد ننھی پری  کو دفنا دیا گیا۔ جناب سپیکرصاحب پولیس ایسے واقعات میں ملزمان کو گرفتار بھی کرتے ہیں لیکن واقعات میں کمی کی بجائے  خطرناک حد تک اضافہ ہوتاجارہاہے۔ حیوان بھی دوسرے حیوان کے بچوں سے ایسا نہیں کرتے ۔ ملکی اور غیر ملکی میڈیا پر خبر نشر ہونے سے ہمارے معاشرے اور ملک کی بدنامی ہورہی ہے جناب سپیکرصاحب میں ایک بوجھل ضمیر کے ساتھ  یہاں پر اقراء زینب ، اسماء اور فرشتہ جیسی ننھی کلیوں کا ذکر کرتاہوں جواس  ظلم کا شکار ہوچکی ہیں وہ ہم سے انصاف مانگ رہی ہیں ۔ ہم کیوں ان معصوم بچوں کو تحفظ دینے میں ناکام ہیں جناب سپیکرصاحب  بچوں  کو ایسی واقعات سے محفوظ کرنے کے لئے اس مسلے پر سنجیدگی سے غور کرے  اور میری درخواست ہے کہ اس معزز ایوان سے سخت سے سخت قانون سازی منظور کی جائے تاکہ  مستقبل میں ایسے واقعات کا سدباب ہوسکے۔