میں اس  معزز ایو ان کی توجہ ایک اہم مسئلے کی طرف مبذول کرانا چاہتا ہوں وہ یہ کہ پی پی ایچ  آئی مراکز صحت میں طبی سہولیات اپنے ڈاکٹرز کے ذریعے فراہم کرتے ہیں اور ان ڈاکٹرز کے ماتحت عملہ زیادہ تر محکمہ صحت کے مستقل ملازمین ہوتے ہیں۔ ان میں میڈیکل ٹیکنیشن M.T ، ایل ایچ وی، ایل ایچ ڈبلیو، فیملی میڈیکل ٹیکنیشن سمیت تمام عملہ شامل ہیں۔ یہ ڈاکٹرز حکومت خیبر پختونخوا کے تمام پرگرامز جس میں پولیوں مہم ، ای ایچ ڈبلیو پروگرام ، خاندانی منصوبہ بندی اور حاملہ خواتین کی صحت پروگرامز میں حصہ لیتے ہیں لیکن اس کے باوجود صوبائی حکومت محکمہ صحت کے ان ملازمین کو تصور نہیں کرتی تو پھر یہ ملازمین کس محکمہ سے تعلق رکھتے ہیں۔ لہٰذا صوبائی حکومت ان ڈاکٹرز کو مستقل کرنے کے احکامات صادر کریں تاکہ ان ڈاکٹرز کو انصاف میسر آسکیں۔