ہم  وزیر برائے محکمہ داخلہ کی توجہ ایک اہم مسلے کی طرف مبذول کرانا چاہتے ہیں  وہ یہ کہ قبائلیوں کی قربانیاں  کسی سے بھی چھپی نہیں ہیں  وہ  پاکستان کےلئے  ہر قسم  قربانی  کےلئے  کمر بستہ ہوتے ہیں   اور پھر خاص کر دہشت گردی  کے دوران تو قبائل  کے ہر  فرد نے   مالی اور جانی نقصان اُٹھایا ہے  بہت زیادہ  کوششوں کے بعد اللہ پاک تمام قبائل پرا پنا نظر رحم فرما کر قبائل کو صوبہ  خیبر پختونخوا میں ضم کردیا   یہ سب  ہمارے بڑوں کی قربانیاں ہیں۔ چونکہ صوبہ بلوچستان میں  چمن بارڈر ،  اور  گوادر پاک ایران بارڈر، آزاد  کشمیر میں مظفر آباد سری نگر بارڈر اور گلگت میں قاشغر بارڈ رپر جو  سہولیات وہاں کے عوام  کےلئے  میسر ہیں ۔یعنی وہاں کے عوام  بارڈر پر  کاروبار کرنا یا وہاں سے کاروبار کے لئے  آنے جانے میں آسانی  میسر ہو اسی  طرح ضلع خیبر کے عوام کےلئے  تورخم بارڈر اور  ضلع مہمند کے گورسل بارڈر سمیت قبائل میں جتنے  بھی بارڈر آتے ہیں۔ تمام بارڈرز پر لوگوں کےکاروبار اور دیگر سہولیات کو میسر کیا جائےتاکہ  وہاں کے لوگ باعزت زندگی  بسر کرسکیں اور عوام کا دیرینہ مطالبہ  پورا ہوسکے۔