پولیس ڈیپارٹمنٹ نےنئےافراد بھرتی کرنے کےلیےگزشتہ دنوں اشتہار کیا جس میں ان اضلاع کےامیدواروں کو 3سال کی رعایت عمر میں دی گئی جن کو محکمہ عملہ نے اپنے Notificationمیں ظاہرکیاہے۔ لیکن بدقسمتی سے بٹگرام اور کچھ باقی علاقوں کو اس اشتہار میں یہ رعایت نہیں دی گئی۔ میں چند دن پہلے اسی سلسلے میں AIGاسٹیبلشمنٹ پولیس ڈیپارٹمنٹ صادق بلوچ سے ملنے گیا مگر وہ خود مجھ سےنہیں ملا اور اپنےPAکوکہا کہ MPAصاحب سے بات کرلو۔ مجبوراََ میں نے یہ مسئلہ اسمبلی میں اٹھایا جس پر سپیکرصاحب نےرولنگ دی کہ دو دنوں میں اس مسئلے کو حل کرلیں۔ آج میں دوبارہ اسی سلسلے میںAIGاسٹیبلشمٹ پولیس ڈیپارٹمنٹ صادق بلوچ سے ملنے گیا لیکن اس نےمجھے ملنے سے انکار کیا کہ میں اپنے کاموں میںBusyہوں۔ میرے پاسTimeنہیں ہے۔ میں بطور عوامی نمائند دو دفعہ ایک عوامی مسئلے کےسلسلے میں AIG اسٹیبلشمنٹ سےملنے کےلیے گیا اور دونوں دفعہ وہ اپنے دفترمیں موجود ہونے کےباوجود مجھ سےملنے سےانکار کیا۔ جس سے نہ صرف میرا بلکہ اس پورے معززایوان کا استحقاق مجروح ہواہے۔ لہذا اس تحریک استحقاق کو کمیٹی کےحوالے کیاجائے۔