پیشہ ورانہ  تعلیم کے پروگرامز کے تحت نو جوانوں کو مناسب مہارت صلاحیت اور قابلیت وہنر سے لیس کرکے روزگار کے بہتر مواقع کے لئے رسائی دی جاتی ہے ۔اس تیکنیکی یا پیشہ ورانہ تعلیم کے ذریعے نہ صرف نوجوانوں کے مستقبل کو بہتر اور محفوظ بنایاجا سکتا ہے بلکہ ان کے اندر کام اور محنت کرنے کی لگن کا جذبہ بھی پیدا کا جذبہ بھی پیدا کرنا مقصود ہوتا ہے ۔

اسی مقصد کو پیش نظررکھ کر ملک اور ہمارے صوبے میں ان اداروں کا قیام عمل میں لایا گیا ہے ۔لیکن یہ حقیقت انتہائی قابل توجہ ہے کہ ان میں سے زیادہ تر ادارے صرف مرد نوجوانوں کے لئے ہیں۔ خواتین کے لئے ایسے اداروں کی شدید کمی ہے ۔خواتین چونکہ ہمارے ملک کی آبادی کا تقریباً نصف حصہ ہیں

لہٰذا خوتین کے لئے بھی ایسے سکلڈبیسڈ ایجوکیشن Skilled based Education ))یا پیشہ ورانہ تعلیم کے اداروں کی اشد ضرورت ہے

خواتین کے لئے پیشہ ورانہ تعلیم کی اہمیت کو مد نظر رکھتے ہوئے یہ ایوان صوبائی حکومت سے اس عمل کا مطالبہ کرتا ہے کہ خواتین کے لئے ایسے اداروں کا قیام عمل میں لانے کے ساتھ ساتھ ان پولی ٹیکنک اداروں کو تمام اضلاع میں ضرورت ساز وسامان ،مشینیں اور سہولیات مہیا کی جائیں تاکہ خواتین بھی اس تعلیم سے مستفید ہو کر معاشرے میں مثبت کردار ادا کر سکیں اور معاشرے کی ترقی میں مردوں کے شانہ بشانہ کر سکیں ۔