میں اس معزز ایوان کی توجہ ایک اہم مسئلہ کی طرف مبذول کرانا چاہتا ہو ں وہ یہ کہ محکمہ خزانہ کی جانب سے جاری شدہ نوٹیفیکیشن نمبر BO(NFC-1)/FD/6-19/2011 مورخہ 24-03-2012 کے مطابق ضلع صوابی کو20% ضلع مانسہرہ کو 10% اور ضلع ہری پور کو70% تربیلا ڈیم کے خالص منافع سے ادا کرنے کا طریقہ کار اپنایا گیا ہے جو کہ آئین کے آرٹیکل 161(2) کے سراسر خلاف ہے کیونکہ تربیلا ڈیم کا پاور جنریشن سٹیشن ٹوپی صوابی میں واقع ہے اس لئے نیٹ ہائیڈل پرافیٹ میں ضلع صوابی کا حصہ زیادہ ہونا چاہئیے ۔ لہٰذا مذکورہ نوٹیفیکیشن کو منسوخ کیا جائے اورآئین کے آرٹیکل 161(2) کے مطابق طریقہ کار وضع کرکے نوٹیفیکیشن جاری کیا جائے