ہم اس معزز ایوان کی توجہ ایک اہم مسئلہ کی طرف مبذول کرانا چاہتے ہیں وہ یہ کہ صوبائی حکومت خیبر پختونخواہ نے سرکاری ملازمین کے لئےCivil Servant Retirement Benefits and Death Compensation Act, 2014 اسمبلی سے پاس کروایا ہے اور مورخہ 2014/10/29 سے نافذ العمل ہے لیکن افسوس کی بات ہے کہ بہت سے سرکاری ملازمین اس ایکٹ کے پاس ہونے کے بعد ریٹائرڈ ہوچکے  ہیں لیکن ابھی تک وہ اس قانون سے مستفید نہیں ہوسکے۔ کیونکہ محکمہ خزانہ اس پر عمل درآمدکرنے سے گریزاں ہے اور ٹال مٹول سے کام لے رہا ہے جس کی وجہ سے سرکاری ملازمین میں سخت بے چینی پائی جاتی ہے۔