یہ اسمبلی صوبائی حکومت سے سفارش کرتی ہے کہ وہ مرکزی حکومت سے اس امرکی سفارش کرے کہ اس وقت خلیجی ممالک خصوصاً سعودی عرب اور متحدہ عرب امارات میں ہمارے محنت مزدوری کرنے والے بھائی انتہائی کرب ناک صورتحال سے گزررہےہیں۔ایک طرف کرونا بیماری اور دوسری طرف بے روزگاری۔ بیماری سے بڑی تعداد میں اموات ہوئی ہیں۔مصدقہ اطلاعات کے مطابق صرف دیر بالا اور دیر پائین کی 111 لاشیں سعودی عرب میں پڑی ہیں۔

    لہذا ہم اس قرارداد کے ذریعے درجہ بالا مطالبات پیش کرتے ہیں۔

1۔   مردہ خانوں اور ہسپتالوں میں پڑی لاشیں اور بیمار افراد کولانے کے لئے سپیشل طیاروں کا بندوبست کیا جائے۔تاکہ لوگ اینے پیاروں کا آخری دیدار کرسکیں نجی ائر لائنوں کو پاکستان آنے کی اجازت دی جائے۔

2۔   احساس ایمرجنسی پروگرام کو ان ممالک میں محنت مزدوری کرنے والے اہلخانوں کو لاک ڈاؤن تک اس پروگرام میں شامل کیا جائے۔

3۔   بیرونی ممالک میں سفارتی عملے اور پی آئی اے کے خلاف جو بھی شکایات ہیں ان کی منصفانہ انکوائری کی جائےاور ملوث اہلکاروں کو قرار واقعی سزا دی جائے۔