ملک میں صوبہ خیبر پختونخوا میں چھاتی کا سرطان خواتین میں اموات کی بنیادی وجہ بن چکا ہے ۔لیکن اگر صحیح حکمت عملی اپنائی جائے تو تمام قسم کے سرطان میں سے چھاتی کے سرطان سے بچاؤ ،اس کی جانچ اور علاج باآسانی ممکن ہے۔

         اس لئے میری اس معزز ایوان سے سفارش ہے کہ اس قرارداد کوبروئے غور لایا جائے۔

         صوبے میں ایک مثالی بریسٹ کینسر کنٹرول پروگرام کو مرتب کرنےکے لئے ایک کمیٹی تشکیل دی جائے حکومت اپنے موجودہ وسائل میں سے خیبر پختونخوا بریسٹ کینسرکنٹرول پروگرام کو مرتب اور نصب کرنے میں اس کمیٹی کی بھر پور مدد کرے ۔یہ کمیٹی وقتاً فوقتاًاسمبلی کو اپنی پیش قدمی سے آگاہ کرے گی، اس کے علاوہ یہ اسمبلی سے جب اور جہاں ضرورت ہوگی صلاح اور مدد مانگے گی،علاوہ ازیں ،40 سال سے زائد عمر کی خواتین کےلئے ،،میمو گرافی،، کی سہولت کی فراہمی کو بھی یقینی بنایا جائے۔